O Concello de Boiro instala luminarias cebra para aumentar a seguridade de viaria de condutores e peóns

O Concello de Boiro, ao abeiro da súa liña de traballo para mellorar a seguridade viaria para condutores e viandantes, instalou luminarias cebra nos pasos de peóns máis conflitivos dos distintos núcleos de poboación. En total estanse a colocar un total de 20 luminarias en zonas de pouca visibilidade nos cruzamentos de persoas máis transitados.

Dende o Consistorio explican que as luminarias cebra “son específicas para a iluminación dos pasos de peóns que, ademais de alumear toda a lonxitude do paso tamén contan cun indicador luminoso intermitente en cor amarela para chamar a atención dos condutores, sinalizando a presenza do paso en cuestión”.