O Campiño (A Pobra) xa conta con rede de abastecemento e saneamento

30 Maio 2022

O Concello da Pobra do Caramiñal comunicou este luns 30 de maio o inicio da actividade da rede de abastecemento de auga para consumo e de saneamento no Campiño. A nova foi anunciada polo alcalde, Xosé Lois Piñeiro (Nós Pobra), e a concelleira dos Servizos Municipais, Estefanía Ramos (Nós Pobra), na compaña do arquitecto técnico municipal, Héctor Muñiz.

Os traballos consistiron na demolición de parte do pavimento anterior para efectuar a instalación da canalización, dos pozos de rexistro e bombeo, da arqueta de rexistro e do equipamento de bombeo para, posteriormente, repoñer o asfalto. No total, actuouse nunha superficie de 230 metros lineais.

A obra foi adxudicada á empresa Excavaciones Nima S.L. e o importe ascendeu aos 73 646’60, IVE incluído, con cargo ás arcas municipais.

O Concello engadiu que “algunhas vivendas da zona atópanse coas acometidas á rede e en vindeiras datas proverase de electricidade o bombeo por parte da empresa subministradora de enerxía para o pleno funcionamento do sistema”.

O mandatario local fixo fincapé no compromiso de continuar coa ampliación da rede de saneamento neste ano a outras áreas do concello como Ouxo, Santo Isidro ou O Freixo.

Outros artigos

Barbanza Arousa recibe as primeiras adhesións ao SICTED

A Mancomunidade Barbanza Arousa, en consonancia coa súa estratexia de colaboración público-privada, continúa este ano coa implantación do Sistema Integral de Calidade Turística en Destino, SICTED, entre os axentes turísticos do territorio. Nesta ocasión, a primeira...

+

Publicidade

Revista en papel

Opinión

“Celebrando a  Rosalía de Castro”. Antía Pereira

“Celebrando a Rosalía de Castro”. Antía Pereira

“Celebrando a Rosalía e o seu día celebramos o que nos une, o que nos representa e o que nos move. Poucas figuras concitan ó seu redor a unanimidade que convoca Rosalía. E iso en boa medida porque ela soubo tocar as cordas, unha a unha, aínda que fose de distinto...