Manuel Monteagudo presenta o vindeiro venres en Noia o seu novo libro de poemas, “Labirinto de soños”

22 Maio 2022

A Asociación Cultural Barbantia, Medulia Editorial e a Sociedade Liceo de Noia organizan o vindeiro 27 de maio a presentación do novo libro de poemas do escritor noiés Manel Monteagudo, Labirinto de soños (Medulia). Será o vindeiro venres ás 20.30 h na Sociedade Liceo de Noia do Concello de Noia (rúa Alameda, s/n).

Amais do autor, está previsto que interveñan María Xesús Blanco (escritora e vicepresidenta de Barbantia), Antón Riveiro Coello (escritor e vogal de Barbantia) e Óscar Prego (presidente da Sociedade Liceo de Noia). A presentación contará tamén coa presenza da soprano local Esperanza Mara, que se encargará de achegar a vertente musical do acto.

Labirinto de soños é o segundo libro de poemas do autor, que desta volta enlaza dun xeito decidido coa rica literatura de tradición mariñeira en Galicia. Nestas páxinas hai tamén lugar para o amor, para o desexo, e unha certa desesperanza que conecta cos difíciles tempos que nos abouran. “Un raio de esperanza latexa nos seus versos”, anuncia a editorial na súa presentación.

Manel Monteagudo nunha presentación recente


Outros artigos

Publicidade

Revista en papel

Opinión

No son los ojos, son las miradas”. Manuel Dominguez

No son los ojos, son las miradas”. Manuel Dominguez

Pensamos, pensé, en la belleza de los ojos, hasta que un día cerca de casa, una pared me decía, ¡No, no son los ojos, son las miradas! Pensando en ello, cuánta razón, no son los ojos son las miradas, podemos ver en la película Los puentes de Madison, interpretada por...