Este domingo 22 de maio celebrouse unha nova edición do Trail Xtosín (#XtosínTrail), que deparou aos participantes dous grandes desafíos deportivos de 42 e 21 quilómetros de percorrido e máis unha andaina de dificultade media con 14 quilómetros de percorrido polas incríbeis e espectaculares paraxes naturais de Porto do Son (a Andaina Xtosín). O evento veu unha máis da man de Arousa NEO coa colaboración de Cruz Vermella Noia e o Concello de Porto do Son. As carreiras polo monte (os dous percorridos do Xtosín Trail) reuniron a máis de 200 corredores. Na media maratón impúxose Óscar Guerra, do Club Cambados, seguido (a algo máis de un minuto) de Maxi Oubiña (tamén do Club Cambados) e Chema Quintián (Tribu). A deportista feminina máis destacada foi Ana Peña, que quedou de 27 na clasificación xeral, seguida de Mary Pombo e Cristina Ríos.
Iso polo que se refire á media maratón. No percorrido máis longo impúxose Carlos Lorenzo (Vértice), seguido de Pedro Traba (Club Atletismo Outes) e María Isabel Orcajada (Virxijianos Trail).
