Felicitación á ribeirense Dolores Martínez Pego polo seu 101 aniversario

O alcalde Manuel Ruiz acudiu á Residencia de Maiores de Ribeira para felicitar á veciña Dolores Martínez Pego polo seu 101 aniversario, cumprido o pasado 8 de maio.
Como xa é tradicional, Dolores recibiu un ramo de flores no nome do Concello por esta celebración. No acto estiveron presentes tamén a concelleira de Servizos Sociais, Ana Barreiro; o fillo da homenaxeada;
o director deste centro xestionado por DomusVi, Miguel Alamancos; e outras traballadoras.
Alcalde e concelleira aproveitaron a súa estancia na Residencia para saudar a outros veciños e veciñas que están aloxados alí.

Felicitación á ribeirense Dolores Martínez Pego polo seu 101 aniversario