Cáritas de Noia celebrará este domingo día 29 no coliseo Noela un festival a beneficio da organización.
Intervirán profesores do conservatorio de música e os grupos Residentes e As Lens. A cita está fixada para as seis da tarde e estableceuse para os asistentes un donativo de cinco euros.
As entradas poderán adquirirse con antelación este mércores e venres no despacho de billetes do Coliseo Noela. Tamén será posible compralas a mesma xornada de realización do festival.
