Antón Gallardo presenta este venres “A II República en Boiro”

Este venres 20 de maio, ao abeiro dos actos culturais deste mes de maio, mes das Letras Galegas, a Casa da Cultura de Boiro vai acoller a presentación do libro A segunda República en Boiro (1931 -1936). Entre o caciquismo inmobilista e a mobilización socio política da xente do común, do historiador local Antón Gallardo.

A cita comezará ás 20.30 horas e contará coa presenza do autor, acompañado do alcalde José Ramón Romero, a concelleira de Cultura, María Outeiral, e o prologuista do libro, Raúl Soutelo. Na vertente musical, está previsto que interveñan Belito e Ramón Raíndo. O acto vén da man da Deputación da Coruña e o Concello de Boiro.