Alba Grande leva os seus “Sorrisos intelixentes” a Boiro

A Casa da Cultura de Boiro vai acoller este mércores 11 de maio o espectáculo teatral de Alba Grande Sorrisos intelixentes, especialmente indicado para os centros de ensino. Será en horario de 10.30 a 12.00 horas. Trátase dunha función destinada a favorecer a saúde bucodental entre a rapazada. Alba Grande é unha actriz, titiriteira e contadora ourensá. Esta acción abéirase ao Proxecto En(clave), un plan integral en materia de educación, igualdade e saúde impulsado dende o Concello.