A Deputación da Coruña lanza a quinta edición do Premio Provincial á Mellor Iniciativa Empresarial

25 Maio 2022

A Deputación da Coruña vén de publicar as bases e a convocatoria da quinta edición do Premio Provincial á Mellor Iniciativa Empresarial (PEL-EPR Premio), un galardón incluído entre as accións de incentivos á calidade e á innovación da idea empresarial do Plan de Emprego Local (PEL) co que se pretende “recoñecer e visualizar o traballo realizado polas pequenas e medianas empresas, microempresas, autónomos/as, asociacións e clústers empresariais da provincia, así como contribuír ao crecemento e desenvolvemento das mesmas”.

Valentín González Formoso, presidente da Deputación

As entidades gañadoras de cada categoría recibirán un premio de 20.000 euros, mentres que os segundos clasificados de cada categoría optarán a accésits por importe de 5.000 euros. As categorías convocadas son as seguintes:

1ª Categoría: Premio á mellor iniciativa empresarial nova. Para pequenas e medianas empresas, microempresas e autónomos/as que iniciasen a súa actividade empresarial ininterrompida nas anualidades 2021 ou 2022 e se constituísen ou desen de alta no RETA neses anos e sempre con anterioridade á data de publicación da convocatoria no BOP.

2ª Categoría: Premio á mellor iniciativa empresarial consolidada. Para pequenas e medianas empresas, microempresas e autónomos/as que comezasen a súa actividade empresarial ininterrompida durante a anualidade 2017 ou con anterioridade e se constituísen ou desen de alta no RETA no mesmo período.

3ª Categoría: Premio á mellor asociación empresarial. Para asociacións, clústers, agrupacións e federacións de empresarios/as da provincia da Coruña.

A participación só poderá realizarse mediante a presentación telemática da documentación especificada nas bases, a través da plataforma Subtel, na convocatoria PEL-EPR Premio 2022.

O prazo de presentación de candidaturas permanecerá aberto desde este xoves 26 de maio de 2022 e ata o 28 de xuño de 2022 ás 14.00 horas.

Outros artigos

Publicidade

Revista en papel

Opinión

No son los ojos, son las miradas”. Manuel Dominguez

No son los ojos, son las miradas”. Manuel Dominguez

Pensamos, pensé, en la belleza de los ojos, hasta que un día cerca de casa, una pared me decía, ¡No, no son los ojos, son las miradas! Pensando en ello, cuánta razón, no son los ojos son las miradas, podemos ver en la película Los puentes de Madison, interpretada por...