A Casa da Cultura de Outes acolle este luns 30 unha xornada sobre saúde e calidade de vida na nenez

O Concello de Outes organiza unha actividade divulgativa e formativa sobre calidade de vida na nenez. A xornada Hábitos Saudábeis na Infancia desenvolverase o luns 30 de maio ás 19.00 horas, na Casa da Cultura de Outes.

Terá unha duración de 80 minutos e no seu programa inclúe as seguintes temáticas de interese: deporte e vida activa, alimentación, descanso, relacións sociais e relación co medio ambiente. Intervirán Daniel Rodríguez Gándara, concelleiro de Deportes e Educación, Maiuca Cortón Tesouro, directora do CEIP Plurilingüe de Outes, e Enrique Outes Durán, técnico superior en dietética e en animación e actividades físicas e deportivas. A xornada está destinada a nais, pais e titores legais de rapazas e rapaces de idades comprendidas entre os 3 e os 16 anos.