Porto do Son reivindica as súas historias na beiramar nunha mostra ao aire libre

O Concello de Porto vai inaugurar este mércores 13 ás 19.00 unha nova exposición ao aire libre na recentemente acondicionada e humanizada explanada portuaria. Trátase da mostra Paisaxes e símbolos da nosa beiramar, unha iniciativa que complementa e amplifica os obxectivos da devandita reforma portuaria, que non é outro recuperar e reivindicar a estreita relación da vila co mar dende todos os puntos de vista: económico, social, medioambiental e turístico. De feito, a mostra propón unha viaxe por esa relación co mar ao longo da historia do concello. Inclúese material de todo tipo, dende fotografías a mapas pasando por información textual presentada de xeito directo e ilustrativo. Terá especial protagonismo a colección dixital do Museo Marea.

Fotografía de Lamelas na que se inmortaliza a chegada o Celta a Porto do Son