O Concello de Ribeira impulsa traballos de acondicionamento en catro centros educativos durante a Semana Santa

13 Abril 2022

O Concello de Ribeira fixo balance dos traballos que ten activos neste intre para a mellora dos centros educativos locais, proxectos que se están a desenvolver aproveitando o tempo de vacacións da Semana Santa. Un total de catro centros son obxecto de diversas tarefas de acondicionamento e arranxos.

Reformas no Grupo

Neste senso, a Brigada Municipal de Obras está efectuando diversas actuacións no CEIP O Grupo en Santa Uxía, tales como a reposición do pavimento de formigón dunha zona do patio situado entre os dous edificios principais, a remodelación do patio infantil lindeiro coa travesía Canarias ou a instalación dun piso de corcho nunha das aulas.

Na parroquia de Carreira, operarios municipais procederon á instalación dun lavabo no colexio da Capela, namentres que no de Pé do Corniño colocouse un falso teito: un labor este último que foi contratado á empresa Anspal.

Instalación de falso teito en Pé do Corniño

Por último, tamén tivo lugar o arranxo de diversas deficiencias nas instalación eléctricas detectadas nos colexios da Capela, Pé do Corniño e Deán.

Traballos na Capela

Outros artigos

Barbanza Arousa recibe as primeiras adhesións ao SICTED

A Mancomunidade Barbanza Arousa, en consonancia coa súa estratexia de colaboración público-privada, continúa este ano coa implantación do Sistema Integral de Calidade Turística en Destino, SICTED, entre os axentes turísticos do territorio. Nesta ocasión, a primeira...

+

O Concello de Ribeira mantén unha reunión coa veciñanza de Oleiros

O equipo do Goberno municipal de Ribeira mantivo unha reunión coa veciñanza da parroquia de Oleiros co propósito de informar das actuacións que o Consistorio está a levar a cabo na parroquia e para recoller todas as inquedanzas que ten a veciñanza en diferentes eidos....

+

Publicidade

Revista en papel

Opinión

“Celebrando a  Rosalía de Castro”. Antía Pereira

“Celebrando a Rosalía de Castro”. Antía Pereira

“Celebrando a Rosalía e o seu día celebramos o que nos une, o que nos representa e o que nos move. Poucas figuras concitan ó seu redor a unanimidade que convoca Rosalía. E iso en boa medida porque ela soubo tocar as cordas, unha a unha, aínda que fose de distinto...