O Concello de Boiro, coa colaboración do grupo local de voluntariado Turbina, organiza unha excursión para rapaces e rapazas no marco do programa Inquedanzas culturais, mocidade en movemento que desenvolve o departamento municipal de Cultura. A saída celebrarase o vindeiro sábado 30 de abril e as inscricións están xa abertas na web do Concello.
A excursión Imos de aventura está destinada a rapaces e rapazas empadroados en Boiro de entre 13 e 20 anos. Será unha xornada enteira de actividades de lecer ao aire libre, propostas entre as cales atópanse partidas de paintball e unha procura do tesouro polas rúas de Santiago de Compostela.
O número de prazas ofertadas é de 20. O prazo de inscrición é de 3 días e a listaxe provisional de asistentes publicarase o día 21 de abril.
