Jaime Arjones e Alan Davila, do Rotogal Boiro, convocados pola selección

Aarón Vidal

O líbero Alan Davila e o colocador Jaime Arjones, xogadores do Boiro Voleibol, foron convocados pola selección española U20 para o preeuropeo de Polonia, que se disputará entre o xoves e o domingo. O receptor-oposto Martín Fernando, que tamén forma parte do combinado nacional, non poderá acudir á cita debido a que se está recuperando dunha lesión no nocello.

Jaime Arjones

A selección española U20, da que forman parte Davila e Arjones, atópase estes días en Bulgaria, onde disputa un bilateral ante o combinado do país anfitrión. Pasadomañá, desprazaranse a Polonia. Por outra banda, Aarón Vidal, xogador do Boiro Voleibol, foi convocado para unha sesión de seguimento da selección española O16. O receptor concentrarase este venres en Almagro, lugar no que se adestrará cos demais integrantes do combinado nacional dentro do Programa 2025 da Federación Española de Voleibol.