Unha embarcación da empresa que realiza as obras no peirao, trasladou ao ferido ata o Peirao, onde o agardaou o equipo médico do Servizo de Urxencias Sanitarias de Galicia-061.
Ás 17:15 horas desta tarde, os servizos sanitarios solicitaban medios ao 112 Galicia para axudar na evacuación dunha persoa ferida que estaba traballando nas obras do molle e que quedara atrapada nunha máquina por unha perna. Indicaban que o accidente ocorrera no mar e que, posiblemente, sería precisa unha embarcación para levar a cabo a evacuación.
Nese mesmo instante, un alertante contactaba co 112 Galicia e aseguraba que a persoa, que estaba nunha plataforma no molle de pesca dentro da dársena, non estaba atrapada pero si necesitaba ser evacuada.
Desde o 112 Galicia informouse decontado ao persoal de Salvamento Marítimo, que mobilizou unha embarcación e ao do Servizo de Gardacostas de Galicia. Do mesmo xeito, foron avisados os axentes da Garda Civil, da Policía Local e os efectivos de Protección Civil da localidade.
Finalmente, o ferido foi trasladado polos profesionais sanitarios ao Hospital Clínico Universitario de Santiago de Compostela.
