Este mércores 20 de abril celebrouse na Casa da Cultura do Concello de Porto do Son unha reunión da xunta directiva da Asociación Deloa. Nela abordáronse as diferentes accións que se porán en marcha ao longo deste ano.
Ao rematar a reunión, os socios da cooperativa Kracia Marketing Digital, un dos proxectos premiados no curso de Marketing Dixital e Cooperativismo promovido pola Fundación Paideia Galiza e a EOI, presentaron o seu proxecto.
Na xuntanza estiveron presentes a presidenta da Asociación Deloa e o vicepresidente da Fundación Paideia Galiza, así como representantes dos Concellos de Porto Do Son, A Pobra, Rianxo, Ribeira, Noia e Lousame, da Asociación Misela, da Asociación Amas de Casa de Ribeira, da Asociación de Empresarios de Ribeira, da Asociación Rianxeira de Empresarios, de Amicos, da Asociación Integrados e da Asociación de Empresarios da Primeira Transformación da Madeira.
