Comezou en Ferrol o itinerario das Feiras do Libro, que recalará en Rianxo o 22 de xullo

25 Abril 2022

Comezou en Ferrol o tradicional percorrido das Feiras do Libro de Galicia pola nosa xeografía. Coincidindo con este acontecemento, o secretario xeral de Cultura, Anxo Lorenzo, anunciou a posta en marcha dunha campaña para o fomento do libro e da lectura. Empregando a frase da escritora Emily Dickinson Para viaxar lonxe non hai mellor nave que un libro, a iniciativa mostra a importancia de reforzar os hábitos de lectura, aludindo tamén ao crecemento de lectores rexistrado de xeito especial nos últimos anos

Na súa visita á Feira do Libro de Ferrol Lorenzo reiterou “o compromiso e o apoio do Goberno galego ao sector a través de convenios como o asinado coa Federación de Librarías para as Feiras, por un importe de 160.100€”. Tamén aludiu a distintas liñas específicas de axudas coas que o Goberno autonómico colabora para apoiar aos sector do libro. En concreto, para impulsar a dinamización da lectura nas bibliotecas municipais, tradución de obras, adquisición de novidades editoriais, subvencións ás empresas editoriais que acadan os 1,6 M€.

As Feiras do Libro 2022, organizadas e impulsadas pola Federación de Librarías de Galicia co apoio da Xunta, abríronse esta finde coincidindo co Día do Libro (23 de abril) e estenderanse e ata finais de agosto en 13 localidades. Tras Ferrol, no mes de maio celebraranse as feiras de Santiago de Compostela (do 1 ao 8 de maio), de Lugo (do 17 ao 22 de maio) e do Porriño (do 26 ao 29 de maio). Logo engadiranse paradas en Vilalba (do 3 ao 5 de xuño), en Ourense (do 8 ao 11 de xuño), en Vigo (do 1 ao 7 de xullo), Ponteareas (do 14 ao 17 de xullo) e Rianxo (do 22 ao 25 de xullo). Xa en agosto o circuíto das letras chegará á Coruña (do 1 ao 10), Viveiro (do 12 ao 15) e Monforte de Lemos (do 24 ao 27).

Outros artigos

Publicidade

Revista en papel

Opinión

“Auditorio” – José Manuel Pena

“Auditorio” – José Manuel Pena

Xa é unha grata realidade, o novo auditorio. Ribeira, necesitaba un auditorio en condicións e adecuado ao seu número de habitantes e da importante poboación da propia comarca do Barbanza. Este pasado sábado chegouse a inaugurar oficialmente, coa presenza de diferentes...