As autoridades locais de Outes fanse cargo dun can cuxo coidador resultou ferido nun accidente

Por outra banda, o 112 Galicia rexistrou esta madrugada outro accidente de tráfico no concello coruñés de Outes. Un vehículo saíuse da vía en Carleo de Arriba con varias persoas a bordo e un can de raza perigosa. 

Como consecuncia do impacto, un dos ocupantes do vehículo resultou ferido e tivo que ser trasladado polos servizos de Urxencias Sanitaria de Galicia-061. Ao quedarse sen o seu coidador, os equipos de emerxencias desprazados no lugar do accidente pediron a través do 112 Galicia a colaboración das autoridades locais para facerse cargo da recollida e atención do animal mentres se recupera o seu dono.

Ademais do persoal médico, os xestores do 112 Galicia solicitaron a intervención dos membros do GES de Muros e dos axentes da Garda Civil de Tráfico, que investigan as circunstancias do accidente e tamén o estado dos ocupantes do vehículo ante a dúbida de que viaxasen baixo os efectos do alcohol.

Con todo, é importante sinalar que foron eles mesmos quen marcaron o número único de emerxencias para pedir axuda ás seis desta mañá.