Bombeiros do parque de Boiro apagaron a primeira hora da tarde un incendio que calcinou por completo unha furgoneta en Taragoña.
Pasadas as dúas e media da tarde unha intensa fumareda alertou aos veciños do lugar de Campo de Pazos en Taragoña.
A intervención dunha dotación de bombeiros do Consorcio Provincial Contraincendios e Salvamento da Coruña con base en Boiro, extinguiron o lume do vehículo pero non evitaron que as chamas o devorasen por completo. Ao lugar acudiron tamén a Garda Civil e a Policía Local de Rianxo.
