A Xunta informa aos consumidores de Noia sobre as claves da factura da luz

12 Abril 2022

A xerente do Instituto Galego do Consumo e da Competencia (IGCC), Sol Vázquez, participou esta mañá no Casino de Noia nunha charla informativa sobre a factura da luz, dentro da nova campaña informativa impulsada pola Xunta de Galicia, a través da Vicepresidencia económica, para asesorar e aconsellar en relación a este servizo básico que afecta a toda a cidadanía.

No encontro achegouse asesoramento sobre os conceptos básicos que figuran na factura da luz para a súa mellor comprensión, así como para a adopción de decisións que poidan axudar no aforro. Así mesmo, trasladáronse diferentes recomendacións, como solicitar as ofertas comerciais que se reciban sempre por escrito e ser cautelosos ao contratar fórmulas de cálculo do prezo da luz de difícil comprensión.

Co ánimo de achegar esta información ao maior número de persoas consumidoras posible, a Administración autonómica ofrece a todos os concellos galegos a oportunidade de colaborar con esta iniciativa e ofrecer aos seus veciños unha xornada informativa presencial impartida polos técnicos do Instituto Galego do Consumo e da Competencia (IGCC). A iniciativa ten previstas xa visitas a unha trintena de municipios, e o calendario coas seguintes citas pode consultarse na web do IGCC.

Complementariamente, o IGCC pon a disposición das persoas consumidoras os Venres de Consumo responde, unha iniciativa virtual para atender en aberto os venres ás 12.30 horas, todas as dúbidas das persoas consumidoras a través da aula virtual do organismo.

A cidadanía pode tamén facer uso do servizo telefónico de información gratuíta
900 23 11 23, que funciona de 9 a 14 horas e de 17 a 19 horas de luns a venres, ou achegarse con cita previa a calquera das oficinas do IGCC nas sete principais cidades de Galicia.

Os consumidores tamén poden enviar as súas dúbidas por correo electrónico ou a través dun formulario que atoparán na web do organismo.

A xerente do Instituto Galego do Consumo e da Competencia (IGCC), Sol Vázquez, participou nunha charla no Casino noiés na que se achegou asesoramento sobre este servizo básico que afecta a toda a cidadanía

Outros artigos

Este domingo 21 de abril os Mercedes clásicos tomarán as rúas de Noia

Este mes de abril vaise celebrar en Noia a XVII edición da Concentración Galicia Mercedes W123, un evento de gran interese para os seareiros dos automóbiles clásicos da nosa comarca, xa que poderán ver in situ modelos de (como mínimo) máis de 30 anos de antigüidade....

+

En Outes gran participación no obradoiro de Pampallíns

O concello de Outes celebrou o obradoiro de Pampallíns co obxectivo de poñer en valor e recuperar a tradición. No obradoiro participaron máis dunha ducia de voluntarias para preparar xuntas os Pampallíns tradicionais que farán o seu debut na noite do 30 de abril....

+

Falece afogado un home de 80 anos na praia de Caldebarcos en Carnota

Un home de 80 anos morreu afogado na mañá deste venres na praia de Caldebarcos, no municipio coruñés de Carnota, á que acudira para darse un baño. O falecido é veciño de Caldebarcos. O corpo da persoa falecida foi recuperado por un particular. Foi o mesmo particular...

+

Publicidade

Revista en papel

Opinión

“Oporto”. Alberto Barciela

“Oporto”. Alberto Barciela

Oporto puede seguirse en el sentido serpenteante de un río, o en la vertical de un océano, ascenderse o descenderse por meandros encajados en calles que a veces semejan acantilados, que siempre se precipitan hacia agua, una urbe universal cerca del tiempo que le tocó...