Miguel Álvarez.- O Rotogal Boiro Voleibol puxo o broche final á tempada coa cabeza alta. Nun encontro de máis a menos, dispuxo de boas oportunidades para tomar a dianteira durante un primeiro set dunha enorme calidade. Pero o Unicaja Almería sobreviviu ao bombardeo visitante para, co paso dos minutos, acabar ofrecendo unha exhibición sobre o parqué do Moisés Ruiz (3-0). Os galegos clausuran a Superliga tras caer eliminados na rolda de cuartos de final do play off polo título.
O primeiro set foi vibrante. Os dous conxuntos mostraron un nivel defensivo espectacular e ningún quixo dar o seu brazo para torcer. O Rotogal Boiro Voleibol empregouse sen complexos #ante un Unicaja Almería que aguantou o tirón de maneira eficiente. Os da Cachada dispuxeron de varias bólas para
pechar o parcial ao seu favor, pero foron incapaces de aproveitalas. Non así os andaluces, que, da
man dun gran Pavel Kukartsev, acabaron selando a manga cun 33-31.
O segundo set comezou polos mesmos camiños que o inaugural. Con todo, no ecuador da manga, o Rotogal Boiro Voleibol se descentrou lixeiramente por mor dun par de decisións arbitrais. O Unicaja Almería non desaproveitou a ocasión para asestar un golpe case definitivo aos de Marcelo Benavídez (25-16).
Coa laxa de verse cun marcador moi adverso, o Rotogal Boiro Voleibol foise esvaendo co paso dos minutos na terceira manga. A pesar de que os visitantes anotaron algún punto de mérito, foron incapaces de conter a un Unicaja Almería moi #elevado e que dominou todas as facetas do xogo para pechar o choque pola vía rápida (25-14).
Unicaja Almería, 3: Jiménez Scull, Juanmi González Limón, Jorge Fernández, Miki Fornés,
Kukartsev, Jovanovic e Francisco Fernández (líbero). Tamén xogaron David López Alacio, Andrés
Portero, Marlon Palharini e Raúl García.
Rotogal Boiro Voleibol, 0: Gaby del Carmen, Mario Iglesias, José Carlos Romero, Felipe Benavídez,
Renan Levandoski, Gaspar Bitar e Adrián Alves (líbero). Tamén xogaron Martín Casais, Ismael
Martínez e José García.
Sets: 1-0 (33-31), 2-0 (25-16) y 3-0 (25-14).
Árbitros: Antonio Martínez e José Luis Arrarte.
Incidencias: Partido de cuartos de final do play off polo título da Superliga disputado no
Pabellón Moisés Ruiz de Almería ante uns 600 espectadores.
