O vindeiro 15 de maio toca sacar o mellor de nós mesmos e poñernos calzado de “camiñar”. Segundo confirmaron dende a AECC Porto do Son e o Concello, ás 11.00 horas do devandito día está previsto que comece a andaina solidaria Porto do Son e marcha contra o cancro. A saída será ás 11.00 do paseo marítimo da vila.
O percorrido levará aos participantes dende a explanada do porto á igrexa de Porto do Son, chegando até Caveiro. O prezo será de 5 euros para persoas adultas e de 3 para as nenas e nenos de até 12 anos. O recadado irá destinado a axudar na investigación contra o cancro.
As inscricións poden facerse en Floristería Marita, no Centro de Saúde de Porto do Son, en Tres Sesenta, en Xoaniña e na Libraría Andrea. En Xuño poden facerse na Floristería Bambú, en Queiruga no Bar Constantino e en Portosín en Paso a Paso. Tamén podemos facer as inscricións en liña a través de Rockthesport. Organiza a AECC Porto do Son // Asociación Española Contra o Cancro A Coruña en colaboración co Concello de Porto do Son.