Unha vintena de ribeirenses emprenderon a cuarta etapa do Camiño de Santiago “A Orixe”

Unha vintena de veciños e veciñas do noso municipio animáronse onte domingo a seguir percorrendo o Camiño de Santiago do Barbanza ‘A Orixe’ continuando coa iniciativa de aproveitar as fins de semana para ir completando tramos do itinerario xacobeo.
Nesta ocasión tocoulle á cuarta etapa entre a igrexa de San Vicente de Cespón, na parroquia de Boiro, e Quintáns, ubicada na veciña Rianxo. Os andaríns tiveron ocasión de atravesar puntos como a Ermida de San Ramón de Bealo, o santuario da Virxe de Guadalupe, a propia vila xianxeira ou o cruceiro das Tres Cruces nun traxecto que sumou un total de 26,4 kilómetros.
Entre os asistentes estiveron presentes unha fin de semana máis os concelleiros Juana Brión e Víctor Reiriz.