Unha vintena de nenos e nenas participaron nos obradoiros de Entroido en Cabo de Cruz

O Concello de Boiro, a través da área de Cultura, organizou unha serie de obradoiros de repostería e traballos manuais de Entroido para nenos e nenas. As actividades leváronse a cabo no Cento Social de Cabo de Cruz no marco da programación cultural que a Concellería de Cultura organizou durante o Entroido.

Os obradoiros, destinados a cativos de idades comprendidas entre os 6 e os 12 anos, leváronse a cabo durante esta semana aproveitando as vacacións escolares en horario de 10.30 a 13.30 horas. A rapazada participante tivo ocasión de aprender a realizar repostería típica destas datas e creatividade típica de Entroido, obradoiros nos que elaboraron máscaras e antifaces.

O obxectivo destes obradoiros é ofrecer unha alternativa lúdica para os nenos e nenas e tamén unha medida de conciliación para as familias durante as vacacións de Entroido.