Unha boirense atopa o seu coche sen as catro rodas e sobre bloques

remitida

Este pasado sábado Mayte Fernández Raviña, veciña de loa localidade coruñesa de Boiro chegou ata o lugar onde o día anterior deixara estacionado o seu turismo, moi preto da súa casa nunha zona próxima ao Centro Social da parroquia de Abanqueiro.

O seu coche aparaceu colocado sobre catro bloques de cemento e sen rodas. En declaracións ós medios dixo que “non daba crédito ao que vía, pensaba que estaba a soñar”, cóntanos Mayte, aínda conmocionada por este roubo cometido polo que se supón son varios ladróns que, de madrugada, levaron as catro rodas e as lamias da súa Peugeot 207, deixando tan só os parafusos no chan.

“Estaba en shock, non me cría o que me pasaba e só pensaba en que ían empezar a chegar os clientes e tíñame que ir abrir o negocio”, asegura esta veciña de Boiro aínda que natural de Santiago e que traballa nunha cafetería da localidade veciña da Pobra do Caramiñal que lle tocaba abrir ás 8 da mañá do sábado.