Un viandante localiza a un motorista inconsciente tirado nunha cuneta en Ribeira

Posiblemente unha caída deixou a un motorista inconsciente tirado nunha cuneta en Palmeira, Ribeira.

O 112 Galicia recibiu preto das sete da tarde de onte a chamada dunha persoa particular que acababa de atopar a un motorista tirado na estrada que une o Cruceiro de Moldes con Palmeira (DP-7310).

Decontado, os xestores do Centro Integrado de Atención ás Emerxencias de Galicia pediron a intervención dos profesionais de Urxencias Sanitarias de Galicia-061, pois o condutor accidentado estaba inconsciente. Así, despois de recibir os primeiros coidados, foi evacuado ao hospital comarcal para recibir o tratamento axeitado.

Ao lugar dos feitos, tamén acudiron os axentes da Policía Local e Garda Civil de Tráfico e os Bombeiros de Ribeira.