Susto monumental o que sufriu unha familia da localidade coruñesa de Boiro este pasado domingo. Ao redor das 14 horas un condutor dun turismo estacionaba encima da beirarrúa fronte á súa casa da rúa Cimadevilla para recoller algo no domicilio familiar, deixando no seu interior a unha muller e dous nenos de 1 e 6 anos.
Foi nese momento, segundo confirman fontes da Garda Civil, cando un veciño desa mesma rúa baixou da súa vivenda e montouse no coche, non se sabe se coa intención de roubalo, xa que se atopaba baixo os efectos das drogas e, polo que parece, non era consciente do que estaba a facer.
Pero si que tentou arrincalo en varias ocasións, algo que non conseguiu primeiro pola oposición da muller que sentaba no asento do copiloto e segundo, porque ao parecer o coche ten aceso electrónico de pulsador, mentres que o suxeito tentaba buscar a chave de contacto.
Os berros da muller foron os que alertaron ao seu marido que baixaba rapidamente ata a rúa, forcexeando co suxeito e logrando retelo, ata que chegou unha patrulla da Garda Civil que procedeu á súa detención.
O individuo forcexeou cos axentes o que obrigou a que fose preciso reducilo, tirándoo ao chan e poñerlle as esposas para o seu traslado ata a Comandancia da Garda Civil de Boiro onde este individuo continuou coa súa agresiva actitude.
Foi nesas dependencias onde continuaría gritando, esnaquizando mobiliario e autolesionándose golpeando a súa cabeza contra as paredes, chegando mesmo a agredir a un axente que tivo que presentar parte de lesións.
Unha actitude que requiriu da presenza dunha ambulancia que constatou o estado de alteración do individuo que recoñecería ao persoal sanitario haber inxerido varias substancias estupefacientes sintéticas, ademais de que se desprendeu dunha bolsa cunha pequena cantidade de marihuana durante a súa detención.
Finalmente, e segundo informan fontes do Tribunal Superior de Xustiza de Galicia (TSXG), o suxeito foi posto ao dispor do Xulgado nº 2 de Ribeira, de garda nese momento, que acordou a súa posta en liberdade aínda que seguirá investigado por furto de uso vehículo e resistencia/atentado á autoridade, non constando que tivese antecedentes penais de ningún tipo.
