Na mañá deste 23 de marzo a concelleira de Cultura de Boiro, María Outeiral, presentaba o proxecto promovido pola Academia Galega do Audiovisual e a Área de Cultura da Deputación da Coruña para facer partícipe ao Concello de Boiro do ciclo de cinema Mestre Mateo, que consta dun programa de proxeccións que comeza este sábado 26 de marzo.
Serán os filmes máis salientábeis do audiovisual galego actual os que se inclúan na oferta cultural que elabora o departamento de Cultura. Así, a programación ofertada está composta polas películas finalistas nos Premios Mestre Mateo a mellor película e mellor documental, os premios do audiovisual galego, uns galardóns que subliñan as obras de maior calidade na produción audiovisual do ano e que organiza a Academia Galega do Audiovisual.
A proxección dos filmes realizarase cunha periodicidade mensual durante os meses de marzo e xuño e de setembro a decembro. Os filmes que se van proxectar son: O gran camiño, Malencolía, Cuñados, Welcome to my maison, Tres e Jacinto, ata o mesmo mes non se saberá cal vai ser a película que se proxecta. Amais das películas deste ciclo, o Concello de Boiro vai proxectar no verán os filmes Los Croods: una nueva era e Valentina.
Engadir que o primeiro dos filmes que se poderá ver é O Gran Camiño (nomeado mellor documental) producido e dirixido por Alba Prol Cid e Raúl García, será este sábado ás 20.30 horas no Centro Social de Boiro.
