M. A.- Nos prolegómenos do derbi deste sábado entre o Rotogal Boiro Voleibol e o Emevé de Lugo (ás 18.00 horas na Cachada), o club levará a cabo unha acción para dar visibilidade á actividade da Asociación Protectora de Animais Moura. Así, uns minutos antes de que comece o partido, varios cans pousarán cos xogadores do equipo boirense, que milita na Superliga.
Iria Pérez, presidenta da Asociación Protectora de Animais Moura, afirma que “o feito de que algúns cans estean presentes no próximo partido do Rotogal Boiro Voleibol é unha boa oportunidade para promocionar adopcións e apadriñamentos. Por sorte, non temos moitos actualmente nas nosas instalacións”.
A Asociación Protectora de Animais Moura desenvolveu o seu labor durante os últimos anos na
comarca. As súas instalacións principais atópanse na Pobra do Caramiñal, pero tamén dispón
de refuxios e casas de acollida para cans e gatos en Boiro e Ribeira.
