O PP condena as ameazas e insultos contra o portavoz municipal de Dodro

O secretario xeral do PP provincial da Coruña, Evaristo Ben Otero, condenou as ameazas e insultos vertidos nos últimos días contra o portavoz municipal de Dodro, Valentín Alfonsín Somoza.

Para o titular provincial,”o respecto e a tolerancia han de estar por encima de todo”, engadindo que “dende o noso partido, queremos condenar publicamente as accións violentas rexistradas nos últimos días, coa aparición de pintadas ameazantes na fachada da empresa familiar do noso portavoz, pois consideramos que non todo vale en política, e que o diálogo ha de primar sempre”, asegurou Ben Otero reclamou tamén “altura de miras ao resto de forzas políticas da Corporación para condenar e rexeitar este tipo de actitudes” que, segundo asegurou, “non levan a nada”.