O Concello de Boiro achega unha xornada sobre prevención de abusos infantís no deporte


O Concello de Boiro, a través da área de Deportes, promove unha xornada telemática sobre a prevención, detección e notificación do abuso sexual infantil. A sesión, nomeada Poñendo as lentes no deporte, está posto en marcha pola Xunta de Galicia en colaboración coa Asociación Amino Galicia, ao abeiro do programa conxunto para formar persoas profesionais do deporte e o ocio que estean en contacto con menores como monitoraxe de campamentos, de escolas deportivas ou outras actividades municipais. Segundo informa o Concello, a importancia deste programa “radica na cantidade de nenos e nenos que sofren este tipo de violencia e os danos que causan no seu desenvolvemento”.

Dende Consistorio engaden que este tipo de formación é “fundamental” para poder previr, detectar e notificar debidamente o abuso sexual infantil. As persoas profesionais do eido do ocio e o deporte son uns axentes de prevención e protección á nenez.

A xornada terá lugar en dúas datas, luns 21 de marzo ás 10.30 horas e o xoves 24 de marzo ás 16.30 horas. As inscricións deben formalizarse no enderezo electrónico deportes@boiro.org e as persoas interesadas deben indicar o nome e apelidos, DNI, club de procedencia e data da inscrición. Máis información no departamento de Deportes.