Nova edición do curso de manipulación de alimentos en Porto do son

O Concello de Porto do Son organiza para finais deste mes de marzo unha nova edición do seu Curso de Hixiene Alimentaria e Manipulación de Alimentos. Serán doce horas de contidos a desenvolver en modalidade en liña. Trátase dunha actividade formativa gratuíta dirixida a impulsar a empregabilidade da cidadanía. As inscricións poden facerse a través da Rede entre os días 15 e 21 de marzo a través da conta de correo. As prazas son limitadas e asignaranse por sorteo. O curso dará comezo o 30 de marzo.