Tralo parón decretado polo cabido o pasado martes como consecuencia da folga do transporte, a campaña marisqueira de Noia reactivase este luns.
Os compradores irán á lonxa noiesa para comprar bivalvo tendo en conta que a Garda Civil aseguroulles que se garantirá a distribución do marisco por parte dos transportistas.
O pasado martes anunciábase a suspensión da campaña despois de que a confraría recibise a notificación, por parte do principal transportista que leva o bivalvo ás depuradoras, de que os seus camións sufriran actos de vandalismo e ían parar.
