Novamente o ciclo da USC en Ribeira para persoas maiores está a ser un éxito de participación. Segundo confirmou o Concello, co-organizador da iniciativa xunto coa Universidade de Santiago, están a asistir ás actividades da sexta edición do ciclo Camiños de Coñecemento e Experiencia un total de 52 persoas.
O primeiro relatorio celebrouse na tarde deste luns 29 no Centro Cultural Lustres Rivas, logo de que a concelleira de Educación, Juana Brión, dese a benvida aos asistentes. A cita formativa correu a cargo de Juan Jesús Gestal Otero, profesor emérito da Facultade de Medicina e profesor colaborador do Programa Universitario de Maiores IV Ciclo da USC, que versou sobre Pandemias ao longo da vida.
Resto da Programación
-31/03/2022 16:30-18:00h
Seminario: A COVID-19: evolución e situación actual. Que nos agarda?
D. Juan Jesús Gestal Otero. Profesor Emérito da Facultade de Medicina e profesor colaborador do Programa Universitario de Maiores, IV Ciclo da USC
-18/04/2022 16:30-18:00h
Seminario: Tradición e modernidade nos escenarios galego e ribeirense (1880-1950)
I. Vellos e novos oficios e negocios.
D. José Manuel Vázquez Lijó. Doutor en Historia. Técnico de xestión do Museo Marea de Porto do Son e profesor colaborador do Programa Universitario de Maiores, IV Ciclo da USC
-21/04/2022 16:30-18:00h
Seminario: Escribir a nosa historia. Obxectos, soportes e instrumentos de escritura
D. Anxo Rodríguez Lemos. Doutor en Historia. Profesor do Programa Universitario de Maiores, IV Ciclo da USC
-25/04/2022 16:30-18:00h
Seminario práctico: Actividade Interactiva co alumnado partindo do comentario de documentos antigos que ilustran a temática do seminario
D. José Manuel Vázquez Lijó. Doutor en Historia. Técnico de xestión do Museo Marea de Porto do Son e profesor colaborador do Programa Universitario de Maiores, IV Ciclo da USC
-28/04/2022 16:30-18:00h
Seminario práctico: Actividade interactiva pensada para compartir materiais arqueolóxicos e documentais
D. Anxo Rodríguez Lemos. Doutor en Historia. Profesor do Programa Universitario de Maiores, IV Ciclo da USC
