Jaime Arjones, Alan Davila e Martín Fernando, convocados pola selección española U20

Tres xogadores do Boiro Voleibol foron convocados pola selección española U20. Trátase do líbero Alan Davila, o receptor-oposto Martín Fernando e o colocador Jaime Arjones. Concentraranse o mércores 16 en Palencia co combinado nacional e, posteriormente, poderían participar nos dous amigables que se celebrarán contra a selección portuguesa en terras lusas.
Os tres xogadores do Boiro Voleibol pertencen á preselección U20, da que forman parte un total de 16 deportistas. O combinado nacional está a preparar o Preeuropeo de Polonia, que se disputará entre os días 17 e 20 de abril e ao que acudirán doce xogadores.