O colocador Gaspar Bitar foi incluído no equipo ideal da vigesimoprimera xornada da Superliga. O xogador do Rotogal Boiro Voleibol contribuíu á vitoria do seu equipo fronte ao Arenal Emevé (3-2) cun 47% de acerto ofensivo colectivo, 2 puntos e 1 bloqueo.
É a segunda vez da presente tempada na que Gaspar Bitar foi incluído no equipo ideal da xornada. Xa o conseguía tras o partido da primeira volta na pista do Eivissa Ushuaïa.
Por outra banda, o Rotogal Boiro Voleibol visitará pasadomañá ao San Sadurniño (ás 20.00 horas) nun partido que foi aprazado en dúas ocasións por casos de Covid-19 no conxunto da comarca de Ferrol.
