Os efectivos do servizo local de emerxencias de Ribeira deberon cortar cunha radial os ferros que mantiñan presa a perna dun home tras sufrir unha caída no lugar de Fafián.
O accidente produciuse pasadas as sete da tarde de onte cando o afectado camiñaba por esa zona e precipitouse por un pequeno desnivel do terreo ata encaixar unha perna nuns ferros.
Para liberalo, os xestores do 112 Galicia solicitaron a intervención dos bombeiros da localidade, así como dos membros do grupo local de emerxencias, que deberon empregar ferramenta especializada para cortar os ferros e liberar así a extremidade deste home, sen posibilidade de moverse.
Unha vez liberado, colaboraron, xunto cos bombeiros, na estabilización do ferido e o traslado ata a ambulancia de Urxencias Sanitarias de Galicia-061, disposta para o traslado do ferido ao centro hospitalario da comarca barbanzana.
Cómpre indicar que este operativo puido activarse grazas ás chamadas de alerta ao 112 Galicia das que persoas que acompañaban ao afectado.
Por outra banda tamén en Ribeira, contra a unha da madrugada, os bombeiros sufocaron un lume nunha cheminea, afectada pola acumulación feluxe e lixo.
