En Ribeira o Concello renova o pavimento na travesía Pedriñas en Carreira

O Concello de Ribeira informa de que se están executando obras para renovar o pavimentado na travesía Pedriñas, situada na parroquia de Carreira.

Neste senso, operarios da empresa Marqués de Marancán (a adxudicataria da actuación) están renovando o firme desta travesía de 50 metros de longo, que estaba deteriorado, estendendo unha nova capa de formigón intercalado con franxas de lousas de granito.

A intervención comporta un investimento de 10.285 euros, IVE incluído.