En Porto do Son o Concello acondiciona O Fieiro e o parque infantil de Caamaño

O Concello de Porto do Son compartiu nas redes as máis recentes novidades levadas a cabo a nivel local para a mellora e o mantemento de camiños, estradas, infraestruturas e inmóbeis municipais. Por exemplo os traballos levados a cabo na zona que une O Fieiro con Boiro, onde os equipos de obras e servizos, en colaboración con Protección Civil de Porto do Son, acondicionaron a contorna rozando e baldeando os camiños.

Amais, os efectivos municipais (os integrantes do equipo de Protección Civil) tamén efectuaron labores de acondicionamento no parque infantil de Caamaño, onde puxeron a punto os brinquedos e os equipamentos existentes, con vistas a ofrecer os máximos desfrute e seguridade ás familias.

A maiores, o Concello informou do condicionamento de accesos con saburra na parroquia de Nebra.