O xulgado de garda de Ribeira decretou a liberdade con cargos para o presunto autor dunha brutal malleira a unha veciña de Boiro que segue ingresada no Hospital Clínico de Santiago e do que informamos en O Barbanza. Ao home, que é comunmente coñecido como O Bicho, tamén lla impuxo unha orde de afastamento con respecto a vítima, á que non poderá achegarse a menos de 200 metros.
Ao suposto agresor imputábaselle un delito de lesións graves e a garda civil considera que non existe un delito por violencia de xénero, xa que non existía unha relación de índole amorosa entre ambas as persoas, por iso é polo que tivesen que esperar a unha denuncia por parte da familia da muller para poder actuar no esclarecemento do ocorrido.
Os investigadores da Policía Xudicial da Garda Civil creen que o motivo da disputa puido ser unha débeda económica e que a muller acudiu á vivenda do presunto agresor para comprar máis estupefacientes cando sería golpeada.
