Detido o presunto autor da brutal malleira a unha veciña de Boiro


A Garda Civil de Boiro detivo a un individuo coñecido polo alcume familiar de O Bicho, en calidade de presunto autor da brutal malleira da que foi vítima unha boirense a semana pasada. A muller segue ingresada no Hospital Clínico de Santiago recuperándose dos golpes que recibiu por todo o corpo e o seu estado é grave.

O motivo da agresión parece ter a súa orixe nunha débeda por drogas, xa que os investigadores consideran que a muller acudiu á vivenda do agresor para comprar estupefacientes.

Polo momento descoñécese cando pasará a disposición xudicial o acusado se ben todo apunta que pode ser este mércores.