A área de Igualdade do Concello de Boiro, a través do Centro de Información á Muller (CIM), levou a cabo nos IES do municipio obradoiros nos que se traballaron aspectos básicos para o adecuado desenvolvemento afectivo sexual. Este programa de obradoiros ten como obxectivo axudar á rapazada na xestión de emocións, bo trato e autoestima.
Nos obradoiros, nos que participou o alumnado de 2º, 3º e 4º curso e FP básica dos tres IES do Municipio (IES A Cachada, IES Praia Barraña e IES Espiñeira), abordáronse cuestións básicas de sexualidade e tamén contidos específicos segundo a idade. O alumnado participante traballou sobre a aproximación ás distintas realidades sexuais co obxectivo de non dar por feito determinadas cuestións e romper estereotipos creados socialmente.
Os obradoiros leváronse a cabo no marco da programación que o Concello de Boiro desenvolve mediante o financiamento da Secretaría de Estado de Igualdade contra a Violencia de Xénero con cargo á subvención do Pacto de Estado contra a Violencia de Xénero.
