O Concello de Boiro celebrou o pleno ordinario do mes de marzo, no que todos os membros da corporación aprobaron a creación da mesa local de coordinación interinstitucional contra a violencia de xénero, unha iniciativa que busca coordinar forzas a nivel municipal para acabar con esta secuela e asistir ás vítimas.
Durante a sesión tamén tomou posesión da súa acta de edila, a popular Denís González Maneiro. Aprobouse a modificación da ordenanza fiscal reguladora do imposto sobre o incremento do valor dos terreos de natureza urbana.
A corporación tamén aprobou por unanimidade unha petición de Boiro Novo na que se instaba ás entidades bancarias a prestar unha atención adecuada ás persoas maiores e aos consumidores vulnerables. Ao termo do pleno, leuse unha declaración institucional en apoio ao pobo ucraíno, destacando a importancia de respectar os dereitos humanos e de que se poña fin canto antes ao conflito armado.
