Boiro acolle este xoves un obradoiro sobre adicións tecnolóxicas e nenez

A Casa da Cultura de Boiro, ao abeiro do programa de actividades do Espazo Familias, vai acoller este xoves 31 de marzo unha charla de interese para nais, pais e docentes. Trátase da actividade Xogar non é un xogo, pertencente ao ciclo Cando as pantallas educan, que organiza Espazo Familias a través da Escola de Nais e Pais (ENAPA). Está previsto que dea comezo ás 18.00 horas.

Nesta xornada, o doutor en psicoloxía Manuel Isorna Folgar abordará a problemática dos xogos e do xogo e de como cada vez se crean máis adicións e a idades máis temperás.

Reservas e máis información en espazofamilias.org.