Este venres a Corporación de Dodro aprobou o orzamento municipal, un acontecemento que en palabras do equipo de Goberno “supón o fin da débeda cos bancos do noso Concello”. A sesión plenaria extraordinaria celebrouse ao mediodía e nela deuse impulso definitivo ás partidas precisas para levar a cabo a política municipal que o actual Goberno de coalición pretende para este ano. O Concello comprometeuse a presentar antes de que remate 2022 os vindeiros orzamentos, e así acurtar ao máximo os períodos desexábeis de tramitación.
Puntos destacados
O Goberno de Dodro destacou nas cifras o aumento do 22,62% nos investimentos a realizar en este ano, o que supón, en termos máis concretos, máis de 550.000 euros. O Executivo tamén salientou a cancelación completa dos préstamos bancarios do Concello “por vez primeira en varias décadas”, e tamén puxo o foco na mellora do cadro de persoal coa inclusión dun arquitecto municipal e máis no incremento dun 61% en gastos sociais, “o que se traduce nun aumento no total dos presupostos dun 2,18%, sendo a cifra de 2.792.975,51 euros”.
O orzamento foi aprobado cos votos a favor dos votos da totalidade dos grupos que compoñen o Executivo (PSdeG-PSOE, U.V. de D. e o BNG), e cos votos en contra do PP. Por certo que o voceiro do grupo do Partido Popular e ex-alcalde non asistiu ao pleno.