Os días pasados culminaron no CEIP Santa Irene de Porto do Son as primeiras Olimpíadas Solidarias impulsadas dende a dirección do centro e a comunidade escolar representada la asociación de nais e pais (a ANPA O Campo) e o alumnado. Segundo confirmaron nas redes sociais, o vento serviu para recadar 2.263,37 euros. Trátase, segundo explicaron, “do noso gran de area particular para GaliciAME e a investigación da Atrofia Muscular Espinal”. GaliciAME, para quen non o saiba, é a Asociación Galega de Atrofia Muscular Espinal, unha entidade con sede principal en Cambados que traballa para mellorar a calidade de vida das persoas coa devandita doenza. As olimpíadas celebráronse entre os días 7 e 11 de marzo e nelas participaron os 180 escolares do centro sonense.
