Este 25 de marzo temos unha cita en Porto do Son co humor en formato audiovisual. Será da man do actor e humorista galego Xosé A. Touriñán, que, xunto co director Jairo Iglesias, trae á vila sonense un filme no que o propio Touriñán é o protagonista. O filme en cuestión, Aquí Tou!, proxectarase na Casa da Cultura ás 20.00 horas. Como dixemos, o audiovisual está dirixido por Iglesias e Touriñán e producido por Undodez e Ainé. A cinta envorca na pantalla un espectáculo do actor e humorista galego Xosé A. Touriñán.
En Aquí Tou!, Touriñán fai un percorrido pola súa vida, desde a súa concepción nunha noite de San Xoán, ata un posíbel epitafio. Mesturando realidade con ficción, tenrura e picardía, anécdotas propias e cultura popular galega, Touriñán lévanos da man pola súa vida cun monólogo diferente no que o tratamento visual xoga un papel primordial, o que se ve e tan importante como o que se escoita.
