Arde unha balsa de aceite hidráulico nunha nave da Picaraña en Rois

Ardeu, unicamente,  unha balsa de aceite hidráulico no interior da nave, sen afectar a nada máis, excepto o fume que provocou o lume e que se propagou polo interior da nave.

Ás 21:15 horas deste sábado, un particular informaba ao 112 Galicia dunha prensa ardendo no interior dunha nave de aluminios situada no Polígono da Picaraña, no concello de Rois. Indicaba que estaba todo cheo de fume e que non había persoas afectadas.

Desde o 112 Galicia pasouse aviso aos membros do GES de Padrón e aos Bombeiros de Boiro que, decontado, se desprazaron ata o lugar. Do mesmo xeito, foron informados os axentes da Garda Civil e de Protección Civil da localidade, así como, o persoal de Medio Ambiente da Xunta de Galicia.  Ademais, púxose en alerta aos Bombeiros de Ribeira, ao GES de Brión e ao persoal sanitario por se fose precisa a súa intervención.

Sen embargo, por fortuna, aos poucos minutos de intervir, os profesionais do GES de Padrón, deron por controlado o lume e procederon a arrefriar a zona e, posteriormente, pouco antes das once da noite, os Bombeiros de Boiro, deron por finalizada a extinción. Confirmaron que o lume unicamente calcinara unha balsa de aceite hidráulico.