Un mergullador foi evacuado en helicóptero ao Hospital do Barbanza despois de recibir un golpe dunha embarcación cando pescaba somerxido no mar, en Boiro.
O golpe desencadeou no mal da presión (descompresión) ao tratar de emerxer de forma repentina.
Foron os membros da Confraría de Pescadores da Pobra do Caramiñal quen contactaron co 112 Galicia mentres o ferido estaba xa sendo trasladado ao Peirao de Escarabote, en Boiro. Alí acudiu o equipo de Urxencias Sanitarias de Galicia-061 a bordo do helicóptero con base en Santiago co obxectivo de realizar unha evacuación rápida ao Hospital do Barbanza.
Para colaborar co equipo médico, os xestores do 112 Galicia pediron a intervención dos membros do servizo local de Protección Civil de Boiro, así como dos axentes da Policía Local e da Garda Civil, que recollerán toda a información relacionada con este accidente no ámbito laboral.
