O Concello de Ribeira vén de confirmar que a Policía Local conta dende este mes cun novo axente, logo do nomeamento como funcionario de carreira de Luis Javier Dieste Lesende. Así foi anunciado o pasado luns 7 de febreiro no Boletín Oficial da Provincia.
Ademais, o Concello lembra que a través da Academia Galega de Seguridade Pública estase en pleno proceso selectivo con 324 aspirantes para 70 prazas do corpo de Policía local de 29 concellos, entre elas 3 correspondentes ao de Ribeira, precisamente. De feito, esta semana está programado realizar as probas de aptitude física no Centro Galego de Tecnificación Deportiva de Pontevedra e en abril comezará no AGASP un curso de formación teórico-práctico obrigatorio antes de que os que o superen poidan elixir destino e ser nomeados funcionarios en prácticas.
Deste xeito, explican fontes do Consistorio, “agárdase que nosos meses verán Ribeira conte con catro axentes máis que cando principiou o ano”.
